श्री दुर्गा आपदुद्धारक स्तोत्रम् (नमस्ते शरण्ये शिवे सानुकम्पे)

श्री दुर्गा आपदुद्धारक स्तोत्रम् 

नमस्ते शरण्ये शिवे सानुकम्पे  नमस्ते जगद्व्यापिके विश्वरूपे |
नमस्ते जगद्वन्द्य पादारविन्दे नमस्ते जगत्तारिणि त्राहि दुर्गे ||

नमस्ते जगत्चिन्त्यमानस्वरूपे नमस्ते महायोगिनि ज्ञानरूपे |
नमस्ते नमस्ते सदानन्दरूपे नमस्ते जगत्तारिणि त्राहि दुर्गे ||

अनाथस्य दीनस्य तृष्णातुरस्य भयार्थस्य भीतस्य वृद्धस्य जन्तो: |
त्वमेका गतिर्देवि निस्तारकर्त्री नमस्ते जगत्तारिणि त्राहि दुर्गे ||

त्वमेका सदारादिता सत्यवादी अनेकखिला क्रोधना क्रोधनिष्ठा |
इडा पिङ्गला त्वं सुषुम्ना च नाडी नमस्ते जगत्तारिणि त्राहि दुर्गे ||

अरण्ये रणे शत्रुमध्ये अनले प्रान्तरे सागरे राजगेहे |
त्वमेका गतिर्देवि निस्तारहेतु नमस्ते जगत्तारिणि त्राहि दुर्गे ||

अपारे महादुस्तरे अत्यन्तघोरे विपत्सागरे मज्जतां देह भाजाम् |
त्वमेका गतिर्देवि निस्तार नौका नमस्ते जगत्तारिणि त्राहि दुर्गे ||

नमो देवी दुर्गे शिवे भीमनादे सरस्वत्यरुन्दत्यमोघस्वरूपे |
विभूतिः शचि कालरात्रि सती त्वं नमस्ते जगत्तारिणि त्राहि दुर्गे ||

नमः चण्डिके चण्ड दुर्दण्डलीला समुत्खण्डिता अखण्डिता  शेषशत्रोः |
त्वमेका गतिर्देवि निस्तारबीजं नमस्ते जगत्तारिणि त्राहि दुर्गे ||



Listen to this hymn on youtube