ನಂಬಿದೆ ನಿನ್ನ ನಾಗಾಭರಣ

ನಂಬಿದೆ ನಿನ್ನ ನಾಗಾಭರಣ 

ನಂಬಿದೆ ನಿನ್ನ ನಾಗಾಭರಣ ಕಾಯೋ ಕರುಣಾಮಯ ನನ್ನ 

ನಿನ್ನೀ ನಾಮವು ಒಂದೇ ನೀಗಿಸಬಲ್ಲದು ಬಾಧೆ 

ತನುಮನ ಜೀವನ ಪಾವನವಯ್ಯ ಶಂಭೋ ಎನ್ನಲು ಇಲ್ಲ ಭಯ 

ಬಾಡದ ಹೂವಿನ ಮಾಲೆ ಬಾಗಿತು ಪಾದದ ಮೇಲೆ

ಪ್ರೇಮಮಯ ನಿನಗೆ ಜಯ 

ನನ್ನ ಜೀವನ ನಿನ್ನಲಿ ತನ್ಮಯ ಭಾಗ್ಯದ ಹಾದಿಯ ಬೆಳಗಯ್ಯ 

ನಂಬಿದೆ ನಿನ್ನ ನಾಗಾಭರಣ ಕಾಯೋ ಕರುಣಾಮಯ ನನ್ನ 

ಲೋಕವ ಕಾಯುವ ಸ್ವಾಮಿ ಭಿಕ್ಷೆಯ ಬೇಡಿದ ಪ್ರೇಮಿ 

ಭಸ್ಮಮಯ ಬಿಲ್ವಪ್ರಿಯ 

ನನ್ನೀ ದೇಹವೇ ನಿನ್ನಯ ಆಲಯ ಸೇವಾ ಭಾಗ್ಯವ ನೀಡಯ್ಯ 

ನಂಬಿದೆ ನಿನ್ನ ನಾಗಾಭರಣ ಕಾಯೋ ಕರುಣಾಮಯ ನನ್ನ 

Youtube Link:

http://www.youtube.com/watch?v=nJ9y3OZwzgY

ಮುಕ್ತ

ಕಾರ್ಮೋಡ ಮಳೆಯಾಗಿ ಸುರಿದಾಗ ಕಣ್ಣ ಹನಿಗೆ ಮುಕ್ತಿ

ಮರದ ಹಕ್ಕಿಮರಿ ರೆಕ್ಕೆ ಬೀಸಿದರೆ ಅದರ ಗರಿಗೆ ಮುಕ್ತಿ 

ಎದೆಯ ನೋವು ಹಾಡಾಗಿ ಹೊಮ್ಮಿದರೆ ಭಾವಕ್ಕೆ ಬಂಧ ಮುಕ್ತಿ 

ಎಂದು ಆದೇವು ನಾವು ಮುಕ್ತ ಮುಕ್ತ ಮುಕ್ತ 

ಏರು ನದಿಗೆ ಇದಿರಾಗಿ ಈಜಿ ದಡ ಸೇರಬಹುದೇ ಜೀವ,

ದಾಟಿ ಈ ಪ್ರವಾಹ

ತಾನು ಬೆಂದು ತಿಳಿ ಬೆಳಕ ಬೀರುತಿದೆ ಒಂದುಇರುಳ ದೀಪ,

ನಿಶ್ಚಯದ ಮೂರ್ತರೂಪ 

ಮೊಗ್ಗಿನಿಂದ ಸೆರೆ ಒಡೆದ ಗಂಧ ಹೂವಿಂದ ದೂರ ದೂರ,

ಎಲ್ಲುಂಟು ಆಚೆ ತೀರ 

ಮೊಗ್ಗಿನಿಂದ ಸೆರೆ ಒಡೆದ ಗಂಧ ಹೂವಿಂದ ದೂರ ದೂರ,

ಎಲ್ಲುಂಟು ಆಚೆ ತೀರ 

ಕಾರ್ಮೋಡ ಮಳೆಯಾಗಿ ಸುರಿದಾಗ ಕಣ್ಣ ಹನಿಗೆ ಮುಕ್ತಿ 

ಮರದ ಹಕ್ಕಿಮರಿ ರೆಕ್ಕೆ ಬೀಸಿದರೆ ಅದರ ಗರಿಗೆ ಮುಕ್ತಿ 

ಎದೆಯ ನೋವು ಹಾಡಾಗಿ ಹೊಮ್ಮಿದರೆ ಭಾವಕ್ಕೆ ಬಂಧ ಮುಕ್ತಿ 

ಎಂದು ಆದೇವು ನಾವು ಮುಕ್ತ ಮುಕ್ತ ಮುಕ್ತ 

youtube link:

http://www.youtube.com/watch?v=QB4wBhOq6nc

Anaavarana

ಅನಾವರಣ 

 

ಕತ್ತಲ ಕರಿತೆರೆ ಬೆಳಕಿನ ಕರದಲಿ 

ನೇಸರ ಸರಿಸಿರೆ ಪ್ರಕೃತಿ ಅನಾವರಣ 

ಮೊಗ್ಗು ತಾನಾಗಿಯೇ ತುಟಿದಳ ತೆರೆದರೆ 

ಘಲ್ಲನೆ ನಕ್ಕರೆ ಎಲ್ಲೆಡೆ ಗಂಧದನಾವರಣ 

ಕಬ್ಬಿನ ಸಿಹಿರಸ ಕಮರಿ ಕಾಕಂಬಿ 

ಜೊಳ್ಳು ತೆನೆ ನಿರ್ಬೀಜ ಹಣ್ಣು 

ಚಿನ್ನಕೆ ಅನ್ನ ಹಣಕ್ಕೆ ಬದುಕು 

ಮಿದುಳಿಗೆ ಹೃದಯದ ಹುದ್ದೆ 

ಇದು ಮೌಡ್ಯದನಾವರಣ

ನಗರದ ಜಗಮಗ ಕೃತಕ ಬೆಳಕಲ್ಲಿಯೇ 

ಸೋಗಿನ ನಗೆ ಹುನ್ನಾರದ ಬಗೆ ಬಗೆ 

ವಿಕೃತಿ ಅನಾವರಣ

Title song of S.N. Sethuram's serial "Anaavarana"

youtube link:

http://www.youtube.com/watch?v=Y3B0jcjoufw